Nangayo ug suporta ang kasundalohan ngadto sa katawhan alang sa hugtanon nga seguridad sa tibuok rehiyon unse atol sa panahon sa eleksyon.
Una nang gitataw ni Captain Jerry Lamosao, tigpamaba sa 10th Infantry Division sa Philippine Army nga mahinongdanon ang tabang sa katawhan aron nga duna dayoy madeploy nga mga sundalo sa lugar nga dunay presensya sa NPA.
Samtang misaad sab ang Task Force Davao sa pagpanguna ni Col. Consolueto Yeclag nga motabang kini sa pagbantay sa mga huyang nga dapit sa dakbayan.
Gidasig sab sa kasundalohan ang mga kandidato nga dili na mohatag ug permit to campaign ug permit to win fee sa mga rebeldeng komunista.
Gikanayon sa kasundalohan nga ang kwarta nga makilkil sa mga NPA gikan sa mga kandidato gamiton lamang sa mga rebelde aron nga ipalit ug armas ug bala aron nga isukol batok sa kagamhanan.
“Ones this people will support this terror group… naa gyud na sila’y sagubangon nga kaso.” Pagtin-aw ni Capt. Jerry Lamosao, tigpamaba sa 10th ID Philippine Army.
Sa pikas nga bahin gipasalig sab sa Task Force Davao (TFD) sa pagpanguna ni Col. Consolueto Yeclag nga sila ang motabang sa pagbantay sa huyang nga bahin sa dakbayan aron nga dili makasulod ang mga dautang tawo nga laraw ngha momugna ug kadaut sa dakbayan.
Tumong niini nga mapangalagaran ang kahusay ug kalinaw sa dakbayan, labi na atol sa nagsingabot nga 2019 Mid-term Election.
