DAVAO CITY – Lima ka mga persons of interest ang gi-imbestigahan karon sa kapolisan sa dakbyan sa Panabo, labot sa pagpatay sa publisher ug journalist nga si Dennis Denora niadtong Hunyo 7.
Sumala pa kang Police Supt. Remart Lambert, hepe sa Panabo Police nga dili pa makonsidera ang mga suspek, apan mao ang ilang gitotokan sa kasamtangan. Dugang ni Lambert nga gitutukan sab nila ang mga nakuha nga mga ebedensya sa krimin, sama sa footage sa CCTV, diin nakita ang pagpusil-patay kang Denora.
Base sa mga nakasaksi sa krimin usa ka lalaki nga sakay sa motorsiklo ang mitapad sa sakyanan ni Denora dihang naipit kini sa traffic sa Barangay New Pandan mga ala 1:10 sa hapon. Sa dapit sa krimin naka-recover ang mga sakop sa SOCO ug tulo ka mga baseyo sa bala ug usa ka balinis nga gituohan nga gikan sa .45 kali bre nga armas.
Ginasubay karon sa mga tinugyanan sa balaod ang mga nakalabay nga isyo nga gituki ni Denora pinaagi sa pamantala-an niini nga ‘Times and Trend’ nga nagkatag sa dakbayan sa Panabo.
Si Denora nakahi-agum ug duha ka mga samad pinosilan sa ulo nga misangpot sa kamatayon niini.
Ang driver ni Denora nga si Mayonito Revira nakahi-agum ug duha ka mga samad pinosilan sa kamot apan dakung buhi.
