Davao City – Mipataliwala karon ang kagamhanang dakbayan sa Davao alang sa usa ka tag-iya ug yuta ug mga illegal settlers.
Pipila sa mga residente sa Purok 26, Camarin, Maa, ning dakbayan mibalhin na ug kapoy-an, apan dunay traynta y sais ka mga pamilya ang padayon nga nagmagahi.
Sumala pa nila nga dili sila mobiya gumikan kay wala’y court order ug gikonsidera nga danger zone ang gihatag kanila nga relocation site.
Kagahapon gisulayan sa City Social Services and Development Office (CSSDO) nga mohatag ug pagka-on sa mga nagpabilin sa Camarin, apan labihan ka lisod gumikan kay mga niloto nga pagkaon lamang ang gitugotan nga ikapasulod.
Dili sab bout sa mga residente nga mogula gumikan kay dili na sab sila tugtan nga makasulod ug balik.
Sumala kang Kapitan Oliva Kal sa Barangay Maa, dili na sila manggilabot sa panghitabo gumikan kay mihatag na ug cash assistance ug relocation site ang tag-iya, apan dunay pipila nga wala mituman sa kasabotan.
Sumala kang City Planning Officer Roy Regor dunay renegotiation sa duha ka mga partido ug mibarog nga tigpataliwala ang lokal nga kagamhanan.
Dugang pa ni Regor nga mohatag sab ug pagka-on ang lokal nga kagamhanan alang sa mga apektado nga mga residente nga wala na makatrab aho ug dili gusto nga mogula sa compound sa kabalaka nga dili na tugtan nga subling makasulod sa ilang mga pinoy-anan.
