DAVAO CITY – Moduso ug motion for reconsideration ang kampo ni Kanhi House Speaker ug Davao City First District Representative Prospero ‘Boy’ Nograles sa Sandigaybayan human nga gimando sa Ombudsman nga pasaka-an ug kaso kanhi House Speaker ug Davao City First District Representative Nograles, partikular niini ang kasong graft ug malversation thru falsification of public documents.
Kahinumduman nga nagsumikad ang kaso sa paggamit ni Nograles sa P47 milyones ka pesos nga Priority Development Assistance Fund (PDAF) ni kanhi Misamis Oriental Representative Danilo Lagbas.
Nasayran nga gisalig ngadto kang Nograles ang nahisgutan nga PDAF dihang namatay si Lagbas niadtong tuig 2008.
Nasuta sa O)mbudsman nga nagamit ni Nograles ang pundo apan wala kini madawat sa mga benepesyaryo sa unang distrito sa Misamis Oriental.
Apan sumala sa kampo sa mga Nograles wala’y basihan ang nahisgutan nga kaso.
