65 anyos nga tigulang patay sa trugkaran sa ilang balay

DAVAO CITY – Wala’y nakita nga foul play ang kapolisan sa kamatayon sa usa ka 65 anyos nga byudo nga tigulang lalaki sa Barangay Kilati, Toril, ning dakbayan sa Davao kagahapon sa buntag.

Naila ang biktima nga usa ka Valentin Masbate Panagsa, Jr., usa ka garden maintainance, residentre sa Purok 4, Barangay Kilati, Toril, Dakbayan sa Davao.

Nasayran gikan sa anak sa biktima nga si Edie Panagsa, 36 anyos, ug kauban niini nga si Barangay Captain Lorenzo Balaga, ug usa ka Barangay Kagawad Mamerto Cuyag mipatim-aw sa Toril Police Station nga nakaplagan na lamang ang patay nga lawas sa biktima nga nagbuy-od sa tugkaran sa ilang balay.