DAVAO CITY – Padayon pa nga giimbestigahan karon sa kapulisan sa Hagonoy Municipal Police Station (MPS) ang laing motibo sa pagpusil-patay sa usa ka lalaki nga miduaw lamang sa usa ka lamay.
Una ng naila ang biktima nga si Noel Villaluz, 45, residente sa Campo 10, Barangay Guihing, Hagonoy, Davao Del Sur.
Hinuon wala gipadaplin sa kapulisan ang posibilidad nga personal nga kasuko ang hinungdan sa krimen.
Gikanayong pauli na ang biktima gikan sa pagtambong sa lamay sa Sitio Budoy, Barangay Guihing dihang gisundan kini sa duruha ka mga wala mailhing mamumuno nga nakasakay ug motorsiklo dayon gibanhigan kini nga maoy hinungdan sa iyang hinanali nga kamatayon.
Nakaangkon ug samad pinusilan ang biktima sa iyang ulo ug abaga nga bahin. Gipahiluna ang patay’ng lawas niini sa usa ka lokal nga punerarya sa lugar.
