DAVAO CITY – Pondohan sumala pa sa South Korean aid agency Korea International Cooperation Agency ang “First 1,000 days of Life” project dinhi sa dakbayan sa Davao.
Matud pa kang City Health Office head Dr. Josephine Villafuerte nga nakigkita sila sa team nga gikan sa United Nations Children’s Fund (Unicef) ug KOICA nga mibisita dinhi sa dakbayan aron nga bisitahon ang Lumad communities sa Baguio, Marilog, ug Paquibato Districts ning siyudad.
Sumala sa City Information Office, kalakip sa nahisgutan nga proyekto ang health education sa komunidad partikular na sa mga inahan, tukma nga sanitation ug hygiene ingon man kamahinungdanon sa breastfeeding.
Nasayran sab kang Villafuerte nga initial stage pa lamang ang pagpatuman sa maong proyekto sa komunidad sa mga lumad ayha kini ipatuman latas sa tibuok siyudad.
