DAVAO REGION- Nakatala og highest employment rate ang Department of Labor and Employment 11 (DOLE 11)sa nakalabay nga tuig.
Sumala pa ni Director Randolph Pensoy nga ang Davao Region adunay taas nga employment rate ug lowest unemployment rate sa nasud niadtong Oktubre 2024.
Subay sa datos sa Philippine Statistics Authority (PSA), ang employment rate sa Davao Region ang nisaka ngadto sa 97.5% niadtong Oktubre gikan sa 97.1% sa susamang panahon niadtong 2023.
Samtang sumala pa usab sa opisyal nga ang underemployment rate niadtong Oktubre ang anaa sa 4.3% samtang 7.3% kaniadtong 2023 sa susamang bulan.
Gidugang usab niini nga ang unemployment rate niadtong Oktubre 2024 ang anaa sa 2.5%, samtang 2.9% sa susamang bulan niadtong 2023.
Sumala pa sa opisyal nga atol sa Regional Operation Cluster (ROC) meeting sa kauluhan sa nakalabay nga bulan, ang employment ug unemployment rates sa mga rehiyon ang gipangkumpara sa mga rehiyon og migula nga ang Davao Region adunay highest employment rate ug lowest unemployment rate.
Gikanayon usab sa opisyal nga tungod sa mga kalambuan nga programa nga gikan sa national government ug ang pagsulod sa mga investors dinhi sa rehiyon ang nakatampo sa maong kalamboan sa datos.
