DAVAO CITY – Nakatala karon ang dakbayan sa Davao ug 937 ka kaso sa dengue diin lima niini ang namatay sulod sa Hunyo 15 ning tuig kasamtangan. Subay sa datus gikan sa City Health Office (CHO) mikabat sa 14 ang namatay gikan sa 665 ka kaso nga natala sa susamang panahon sa milabay nga tuig.
Sumala kang CHO Tropical Disease and Control Division Test Control worker Melodina Babante, upat sa lima katao nga namatay karong tuiga ang anaa sa singko ngadto na sa nuebe anyos ang pangidaron samtang usa ang 76 anyos nga lalaki.
Apan gitataw ni Babante nga bugtong tulog sa gika-report nga namatay ang kumpirmado. Samtang ang duruha kaso ang gipailalom pa sa validation.
Pipila sa mga dengue hotspots sa Davao City ang gilangkuban sa Barangay Cabantian sa Buhangin, Matina Crossing, Catalunan Grande, Wilfredo ug Lapu-Lapu sa Agdao, Toril ug Marilog. Gitataw sab sa health officer nga ang dengue dili grabe atol sa rainy season kung itandi sa milabay nga tuig.
Sa kasamtangan, padayon sumala pa ang pagpaningkamut sa ilang unit aron lamang mabungkag ang tanan nga mga breeding spots sa lamok ilabi na sa hotspot areas.
Gikanayong ang CHO inabagan sa City Environment and Natural Resources Office (Cenro) ug Ancillary Services Unit (ASU) ang nagapahigayon ug clean-up drives sa tanan nga mga barangay sa siyudad.
Samtang usa sab sa nakitang suliran sa opisyal ang pagpatuman sa kalimpiyo sa palibot nga sagad dili mahimo sa mga tawo.
Samtang padayon karon ang CHO sa ilang information campaign aron lamang makunhuran ang kaso sa dengue ug mapaubos ang ihap sa mga mamatay tungod sa maong balatian.
