DAVAO CITY- Personal nga gitambungan ni Vice President Sara Duterte ang ika-walo nga tuig sa komemorasyon sa 2016 Roxas Night Market Bombing kagahapong adlawa.
Atol sa maong kalihukan, mitambong usab ang mga kabanay sa mga mitaliwang indibidual sa maong insidente.
Kahinumdumang nahitabo ang maong Roxas Night Market Bombing niadtong September 2, 2016 diin mikabat sa 16 ka mga indibidual ang nakabsan sa kinabuhi samtang miabot sa 69 ka mga indibidual ang nanga-angol.
Gisalmutan usab ang maong komemorasyon sa pipila ka lokal government officials nga mao sila Vice Mayor Atty. Jay Melchor Quitain, Konsehal Tek Ocampo ug pipila ka mga department heads.
Anaa usab ang mga opisyal a kapulisan, Task Force Davao ug mga Punong Barangay.
Mipaabot usab kini og mensahe ngadto sa mga kabanay sa biktima nga i-ampo ang mga kalag niini.
Mipaambit usab ang bise presidente og mensahe ngadto sa mga dabawenyo ilabi pa sa hisgutanang seguridad.
