Nagnegatibo sa iligal nga droga ang 85 ka mga personahe sa kapulisan atol sa gipahigayon nga mandatory drug testing sa Police Regional Office 11 (PRO 119).
Subay sa gipaguwang resulta, walay mga personahe ang nagpositibo sa illegal substance.
Kahinumduman nga gipangunahan ni PBGEN LEON VICTOR Z. ROSETE, Regional Director sa PRO 11, niadtong Martes ang maong kalihukan.
Ang nasampit nga drug test ang kabahin kini sa Focused Agenda sa Philippine National Police nga nagpasiugda sa integridad, accountability, ug propesyunalismo sa organisasyon.
Ang regular nga drug testing usa sa mga paagi aron masiguro nga ang mga pulis physically ug mentally fit sa ilang trabaho.
Gipasabot ni Rosete nga ang pagpabilin nga drug-free organization responsibilidad sa tanang personnel.
Naglaom ang opisyal nga magpakita og maayong ehemplo ang mga personahe ngadto sa ubang mga law enforcement unit sa kapulisan.
Ang pagkalakip sa police organization nagpasabot og disiplina sa tanang panahon, lakip na ang paglikay sa ilegal nga droga. Kabahin kini sa among commitment sa pagserbisyo nga may integridad sumala pa ni Gen. Rosete.
Ang kalihukan nagsuporta usab kini sa direktiba ni PNP Chief PGEN JOSE MELENCIO C. NARTATEZ JR., alang sa pagpalig-on sa internal cleansing ug pagtukod og mas kasaligan nga police organization.
