DAVAO CITY – Mukabat sumala pa sa 8,216 operators sa public utility jeepneys (PUJs) ug filcab sa rehiyon ang maapektohan sa ipahigayon nga Public Utility Vehicle Modernization Program (PUVMP).
Kini ang gibutyag sa Land Transportation Franchising and Regulatory Board (LTFRB)-Davao.
Sa nahisgutan nga ihap, 7,261 PUJ/Filcab operators ang taga dakbayan sa Davao.
Sumala pa kang LTFRB-Davao director Cattleya Acaylar nga mas maayo nga mo-aaply gilayon sa Tsuper Iskolar Program ang mga maapektuhan nga drayber, operators ug mga miyembro sa pamilya.
Gikanayong ang scholarship program, sa tabang sa Department of Transportation (DOTr) ug Technical Education and Skills Development Authority (Tesda) ang mobansay sa mga kuwalipikado nga mga benepisyaryo sa PUVMP.
Gidasig sab ni Acaylar ang mga operators nga moaplay kay 1,000 slots lang kon diin “first-come, first-served” ang basihan.
Nasayran nga ang dakbayan sa Davao maoy sunod nga target sa sa programa, diin una na kini nga gilusad sa Lingayen Pangasinan sa milabay nga Abril 4.
Mamahimong mokuha sumala pa ug pre-registration form gikan sa LTFRB-Davao ang mga aplikante nga mopailalom sa scholarship.
