DAVAO CITY – Kinatibuk-ang 804 ka mga persons deprived of liberty (PDL) sa Bureau of Jail Management and Penology (BJMP)-Davao ang nahatagan ug kahigayonan nga makaboto sulod sa jail compound niining milabay nga adlaw.
Sumala pa kang BJMP-Davao spokesperson Jail Inspector Edo Lobenia, adunay gitahasan ang Commission on Elections (Comelec) nga mga election board aron nga mo-assist sa pagboto sa mga peneriso sulod sa jail facilities.
Gitataw sab sa nahisgutan nga gipakatag nila ang Special Tactics and Response Team (Star), usa ka elite tactical unit sa BJMP-Davao sa tanan nga mga presohan sa Davao region aron masiguro nga malinawon ang election activities samtang usa ka inspecting team ang gipakatag usab sa tanan nga mga jail units aron motutok ug manguna sa pagbantay sa pagboto.
Nasayran sab kang Lobenia nga ang BJMP-Davao adunay 1,090 PDL registered voters apan bugtong 804 PDL lamang ang nakaboto gumikan sa pipila ka mga rason sama na lamang sa double entry, name discrepancy nga maoy hinungdan nga dili sila makaboto ug daghanan pa.
