-- ADVERTISEMENT --
DAVAO CITY – Gipang-apod-apod na ang walo ka mga drug sniffing dogs nga iya sa Philippine Drug Enforcement Agency (PDEA) Eleven aron nga mas mapakusgan pa gayud ang ilang kampanya batok illegal nga druga.
Duha niini ang gipahimutang sa Davao del Norte Police Provincial Office, duha sab sa Davao Oriental ug ang upat gipahimutang sa dakbayan sa Davao.
Sumala pa kang PDEA Eleven Director Antonio Revera duha sa nahisgutan nga mga Narcotics Sniffing Dogs (NSD) ipahimutang sa Davao International Airport ug ang laing duha ipahimutang sa pantalan.
Nasayran nga ang mga handlers ug ang mga K-9 gibansay sa kaulohan ug dunay katakus nga makatimaho ug shabu, ecstasy, ug marijuana.
