DAVAO CITY- Patay ang usa ka 78 anyos nga usa ka langyaw, human nga maligsan kini kaganinang buntag sa Davao-Bukidnon Highway, Calinan Poblacion, ning dakbayan sa Davao.
Subay sa taho sa kapulisan, naila ang maong biktima nga si Alyas Jose, residente sa Delara St., Calinan ning syudad, samtang ang driver sa maong sakyanan nga nakabangga, naila nga si Alyas Ruel, 24-anyos, ug residente sa Pampanga, Sasa, ning syudad sa Davao.
Sumala pa sa inisyal nga imbestigasyon usab sa mga otoridad, nagsubay matud pa sa dalan gikan sa direksya sa Barangay Riverside padulong sa Barangay Lacson ang maong driver, apan sa wala damha, kalit matud pang mitabok ang maong nahisgutan hinungdan nga wala niini mabantayi sa maong driver, ug naligsan ang maong tigulang, diin miresulta sa hinanaling kamatayon niini.
Sa kasamtangan, gikustodiya una ang drayber nga nakabangga sa kapulisan alang sa saktong disposisyon
