DAVAO REGION- Ginatuuhan karon sa Tagum City Police Station nga posible matud pa nga napasmuhan si alyas JR, 27 anyos kansang nanigbas og senior citizen kaganihang buntag sa terminal sa Tagum City, Davao del Norte.
Subay sa imbestigasyon sa Tagum PNP, naila ang biktimang si Maria Lora, Embodo, 76 anyos nga residente sa Monkayo, Davao de Oro nga igo lamang unta mubyahe padulong sa Isulan, Sultan Kudarat.
Sumala pa sa otoridad, misakay si alyas JR sa van gikan sa Mawab ug pag-abot sa terminal sa Tagum, kalit na lamang niining gitigbas ang senior citizen gamit ang dala niining sundang nga miresulta sa pagka-igo sa dunggan niini.
Ang maong panghitabo ang dali usab nga narespondehan sa otoridad ug daling gidakop ang suspetsado.
Sumala pa sa imbestigador sa Tagum PNP, sa dihang gipangutana ang suspek labot sa nabuhat niini, igo ra kini mitubag nga misyon matud pa niini nga mupatay og tawo.
Nasyaran usab nga dili na interesadong muduso pa og kaso ang 76 anyos nga biktima.
