Mihimo ug kasaysayan ang 71-anyos nga si Marissa Teijo human ang pagsalmot niini sa Miss Texas, USA.
Si Teijo nga gikan sa El Paso nga nakadawat pa og standing ovation sa dihang nirampa kini sa stage ang giisip nga labing tigulang nga babae nga misalmot sa pageantry.
Gipakatawo kini niadtong 1952 sa Northwest, Texas diin ikaduha sa upat ka mga igsuon.
Dugang pa niini nga kaniadtong nag-edad pa kini og 40 anyos, hilabihan ang iyahang pag-exercise diin kanunay kining moadto sa gym ug nagasalmot kini sa bodybuilding competitions, hinungdan nga dili mahalata ang iyahang tinuod nga pangidaron sa kasamtangan niining sitwasyon sa iyahang panglawas nga maalaan pa og batan-on kung magtalikod.
Gibutyag sab sa nahisgutan nga iyaha kining gibuhat ang pagsalmot sa pageant aron nga magsilbi siyang inspirasyon sa uban nga mga kababainhan.
