DAVAO CITY – Plano karon sa Technical Education and Skills Development Authority (Tesda) Regional Training Center (RTC) Korean-Philippines Vocational Training Center (KPVTC) sa Tibungco, ning dakabayan sa Davao nga i-akomodar ang 700 inmates ka mga inmates aron ipailalom ang mga nahisgutan sa tukma nga training.
Hinuon gibutyag ni Center Administrator Egmedio Valdez, Jr. nga wala pa silay nadawat nga mga sumbanan kalabot sa Memorandum of Agreement (MOA) nga gilagdaan tali sa Tesda ug Bureau of Jail Management and Penology (BJMP) diin unod niini ang probisyon sa pag-cater sa mga inmates aron magbaton ug access sa ipahigayon nga training.
Hugot sab karon nga nakiglambigit ang Tesda ug BJMP-Davao alang sa pagpatuman o paglunsad sa maong programa nga ilang gitawag ug “Integration through Skills Development Project for Inmates and Families”.
Gikanayong ang Tesda-RTC adunay mga state-of-the-art nga mga ekipo aron nga makakat-on pag-ayo ang mga estudyante panahon sa training.
Makatabang sab sumala pa ang maong programa sa mga inmates aron nga mamahimo silang produktibo samtang anaa sila sulod sa presohan.
