DAVAO CITY – Mukabat sa 70 ka mga kanhi rebelde nga mitahan sa 8th Infantry (Dependable) Battalion ang kalakip sa mga benepisyaryo sa housing project gikan sa National Housing Authority (NHA).
Ang nahisgutan nga housing project ang gitanyag isip kabahin sa Enhanced Comprehensive Local Integration Program (E-Clip) sa kagamhanan.
Mismo ang NHA pinaagi sa representante nga si Imelda C Teves, acting division manager ingon man 8IB ug 403rd Infantry Brigade, ang nanguna sa orientation sa 70 ka mga kanhi rebelde kalabot sa housing projects nga ilang ma-avail sa Malaybalay City, Bukidnon.
Duruha ka option ang gi-presenta sa mga kanhi rebelde nga ilang mamahimong pili-an diin una niini ang pag-avail sa house and lot sa Barangay Casisang, Malaybalay City o dawaton ang kantidad nga P450,000 nga kantidad usab sa housing unit diin ila kining magamit sa ilang mga pinuy-anan nga ilang gibiyaan ayha sila misulod sa komunistang grupo.
Sa Davao region, NHA ang dakbayan ang pinaka-una nga mi-alokar ug 375 housing units sa Barangay Cuambogan, Tagum City, Davao del Norte nga kantidad sa P168 million ug gihatag kini sa mga kanhi miyembro sa New People’s Army nga mitahan ilalom sa administrasyon ni Pangulong Rodrigo Duterte.
