7 patay sa bagyong miigo sa France, Switzerland, ug Italy

Gikabutyag nga pito ang patay homan miigo ang kusog nga pag-ulan ug bagyo sa France, Switzerland ug Italy.

Ang tulo ka mga biktima ang anaa sa pangidarong 80-anyos ug nakabsan sa kinabuhi sa Aube region sa France homan nadat-ugan sa natumbang kahoy ang ilahang sakyanan, samtang sa Switzerland upat na usab ang patay.

Samtang adunay gika-report nga missing ug nagpadayon pa ang gihimong search and rescue sa mga awtoridad.

Nahimong babag sa mga rescuers ang dili maayong panahon hinungdan nga naglisod ang mga nahisgutan sa pagpangita sa mga missing.

Ubay-ubay na usab sa mga residente ang gipabalhin gumikan kay gilauman pa ang dili maayong dagan sa panahon sa mga mosunod nga adlaw.