DAVAO CITY – Sikop sa mga otoridad atol sa gikasang operasyon ang 7 ka mga lalake human nga naaktuhan nga nagpahigayon og sabong ngadto sa Prk. 10 Lower Madapo, ning dakbayan.
Subay sa impormasyon sa otoridad, giila ang mga dinakpan nga sila Richienor Gali, 23 anyos, residente sa Brgy. 5-A Bangkerohan; Sebero Malentis, 52 anyos, minyo, usa ka driver, residente sa Prk.9 Madapo; Gaudencio Matocal, 63 anyos, minyo, residente sa Lower Madapo; Francis Moda, 18 anyos, ulitawo, residente sa Quarry Lower Madapo; Dennis Maganse, 30 anyos, minyo, residente sa Lower 9 Madapo; Gilbert Duran, 42 anyos, minyo, usa ka construction worker, residente sa San. Rafael Village ug si Jerick Tinambacan, 25 anyos, ulitawo, residente sa Brgy. Pag-asa Bangkerohan ning dakbayan.
Nakuha sa mga dinakpan ang 2 ka mga binuhing manok nga pang sabong, 2 ka bulang ug kwarta nga nagkantidad sa 1,150 pesos.
Gawas niini, misupak sab ang mga dinakpan sa health protocols gumikan sa wala pagtuman sa social distancing.
Kasamtangang gikustodiya na ang mga dinakpan og gikatakdang pasakaan og tukmang kaso.
