Misurender ang pito ka mga Local Terrorist Group (LTG) members ngadto sa mga militar didto sa Pigcagalan, Sultan Kudarat, Maguindano Del Norte niadtong Agosto 19, tuig kasamtangan.
Aduna usab duha ka mga kanhing LTG members nga adunay parte usab sa Bangsamoro Islamic Freedom Fighters (BIFF) – Bungos Faction nga mi surender ngadto sa 6th Mechanized Infantry Battalion (6MIBn), samtang ang laing lima pa, misurender ngadto sa 99th Infantry Battalion (99IB) sa 6th Infantry Division.
Lakip sa ilang gisurende nga mga hinagiban mao ang Garand rifle, sniper rifle Cal. 7.62, 60mm morts, M14, improvised explosive device kon IED, magasin ug mga bala.
Gidayeg usab sa mga opisyal sa Philippine Army ang 6MIB ug 99IB nga mga topa alang sa pag facilitate sa mga pito ka mga misurender nga maoy nagresulta nga makita ang collaborative efforts niini, inubanan usab sa tabang sa mga taga LGU ug mga lumulupyo usab sa Maguindanao Del Norte.
