7 ka barangay sa Davao gipahimutang sa moderate ug low risk category sa COVID-19

DAVAO CITY – Muabot sa pito ka mga barangay ang nabutang karon sa moderate ug low risk category batok sa COVID 19.

Subay sa barangay classification nga gipagawas sa lokal nga kagamhanan sa dakbayan sa Dabaw gikan Hunyo 20 hangtud Hunyo 25, 2022, ang mga barangay nga naa sa moderate risk ang gilangkuban sa Cabantian ug Talomo Proper.

Samtang ang lima ka mga barangay nga naa sa Low risk ang gilangkuban usab sa 9-A, 34-D, Buhangin Proper, Maa ug Sasa ning syudad.

Sa pikas bahin, wala usay nabutang nga critical ug high risk category nga mga barangay sa syudad.

Labot niini, padayon ang pahimangno sa lokal nga kagamhanan nga magsul-ob ug facemask ug likayan ang pag-adto sa mga dapit nga adunay gikatala nga daghang mga kaso sa COVID 19.