Gi-raid sa mga awtoridad ang usa ka giingong drug den sa South San Juan, Brgy. Centro, Davao del Sur diin unom ka mga indibidwal ang nadakpan atol sa joint buy-bust operation sa PDEA RSET, PNP Special Operations Unit, ug Sta. Ana Police.
Gitumbok si alyas Rommar isip target ug tagdumala sa drug den, apan nakasibat kini human makabantay sa mga operatiba.
Nadakpan sab si alyas Romeo nga giingong kauban niini ug lima ka mga bisita sa lugar.
Nakuha sa operasyon ang pito ka sachet sa gituohang shabu nga adunay kabug-aton nga 11 gramos, uban sa mga drug paraphernalia ug marked money nga gigamit sa transaksyon.
Gikatakdang pasakaan og kaso ilawom sa R.A. 9165 ang mga dinakpan samtang padayon pang gipangita si alyas Rommar nga nakaikyas atol sa operasyon.
