DAVAO REGION- Nagkanayon ang tigpamaba sa Department of Education XI nga si Jenielito ‘Dodong’ Atillo nga ‘dili na alien’ kon dili na lahi sa education sektor ang gihulip kang VP Sara Duterte nga mao si Senador Sonny Angara ug gani ginalantaw nila kini isip usa na ka eksperto.
Sumala pa ni Atillo nga bisan pa man naggikan sa politiko ang maong bag-ong gituboy nga kalihim sa DepEd, ang maong indibidual ang naggikan gayud sa pamilya sa mga educators.
Sigon pa ni Atillo nga og ang usa ka insibidual ang naggikan sa pamilya sa mga educators, ang maong indibidual ang aduna usab utok ug kasing-kasing sa pagka-educator.
Pagbutyag pa niini nga si Sen. Angara , usa sa author sa usa ka importante nga balaod sa edukasyon sa nasud Pilipinas nga mao ang Republic Act No. 10533 kon the Enhanced Basic Education Act of 2013. Kabahin niini, matud pa ni Atillo nga dili gayud maingon nga wala kini kahibalo mahitungod sa edukasyon.
Dugang pa niini nga kaya kaayo kini ni Sen. Angara ang maong pagahuptang posisyon tungod kay alang kaniya, dili kini dawaton sa maong indibidual nga pagdumala sa pinakadakong departamento sa nasud og dili niya kini kaya.
Samtang sa pikas bahin, nagatuo ang maong DEPED XI Spokesperson nga magpadayon ang mga programa ug proyekto ni outgoing DEPED Secretary ug VP Sara Duterte ilabi na kadtong mga butang nga napadagan sa balaod.
Dugang pa niini nga alang sa mga programa nga wala namugna gikan sa balaod, adunay gayuy posibilidad nga naubsan o ma-enhanced kini depende na lamang sa bag-ong gituboy nga kalihim nga si Senador Sonny Angara.
