Davao City – Giklaro sa Barangay captain sa Calinan nga si Kapitan Pepe Angco nga wala matud pay nahitabo nga repair sa maong dike.
Kini ang gipaklaro sa kapitan human nga gibasol sa mga katawhan ang kahuyang sa dike human sa nahitabong pagkahugmak kagahapong adlawa tungod sa kusog nga bul-og sa tubig baha.
Sumala pa sa Kapitan nga unang higayon pa lamang kini nasinati-an ang ang pagka hugmak sa dike nga gitukod sukad pa niadtong 2018.
Nasayran nga gigastuhan kini minilyon nga kantidad ang maong proyekto nga magsilbing flood control sa mga nanimuyo daplin sa maong sapa.
Kahinumduman nga nga daling gipahikling ang mga residenteng nanimuyo sa Kalye Apeke, Barangay Calinan, Poblacion District ning dakbayan sa dihang nahugno ang usa ka bahin sa dike sa maong dapit tungod sa nasinatiang kusog nga bul-og sa tubig sa sapa kagahapon sa hapon hinungdan sa pagkahulog ug pagka-anod usab sa usa ka lalake nga giilang si Wilfredo Hambog, anaa sa hamtong nga panuigon ug residente sa nahisgutang dapit.
Sumala pa nga base sa gikuptang datos sa ilahang Barangay Disaster Risk Reduction Management Committee kon BDRRMC, nga anaa na sa kapin napulo ka mga pamilya nga gilangkuban sa kapin kon kulang 50 ka mga indibidwal ang mihikling ngadto sa evacuation area.
