DAVAO CITY – Mipagawas karon ang Davao City Disaster Risk Reduction and Management Office ug pahimangno batok sa mga tawo nga kanunay mo-dial sa Central 911 emergency hotline isip prank o kaha alang sa uban pang malisyosong mga rason.
Niadtong nakalabay nga tuig 2022, kinatibuk-ang 299,006 ka mga tawag sa 911 hotline ang narehistro isip nuisance calls samtang 48,316 lamang ang mga na verified isip emergency calls.
Tungod niini, ang average sa nuisance calls nga mga nadawat sa the hotline ang moabot sa 25,000, samtang ang legitimate emergency calls naa lamang sa 4,000.
Gikanayon ni CDRRMO head Alfredo Baloran, dakong ihap sa mga nuisance calls ang dili gayud partikular mga malisyoso nga kasagarang ginahimo sa mga hantong gumikan kay ang pipila niini ang mga bata ang naga dial.
Dugang ni Baloran nga ang mga personahe sa central 911 ang gihataga ug direktiba nga patas-an pa ang ilang pailob ug pahibal-on ang mga callers labot sa function sa hotline number.
Hinuon giangkon ni Baloran nga adunay pipila ginabinuangan lamang ang ilang mga personnel nga naggunit sa hotline.
Bisan paman ug ang balaud nagmando nga pahatamngan ug siulot ang mga prank callers, apan gikanayon ni Baloran nga sa karon wala pay legal action nga gihimo batok sa mga prank callers sanglit nagkinahanglan kini ug taas nga panahon.
Naglaom na lamang si Baloran nga pinaahi sa national sim registration program mahunong na ang mga prank calls sa Central 911.
Sa karon nanawagan ang opisyal sa katawhan nga dili magyagyag sa hotline ug gamiton lamang kini sa tinuoray nga emergency.
