DAVAO CITY – Giinspeksyon sa mga sakop sa Project Monitoring Committee sa City Government of Davao ang gidagan sa ginatukod nga Davao City Bypass Tunnel Project.

Nagpadayon gihapon ang construction sa ginatukod nga 10.7 kilometer Contract Package o halos katunga sa 45.5 kilometer nga tunnel Barangay Sirawan Toril Disrict, padulong sa Barangay Lasang, Bunawan District ning dakbayan.

Partikular nga giduaw ang giingong pinakataas nga two-tube mountain tunnel sa nasud nga anaa sa 2.3 kilometers ang gilay-on.

Gibahin-bahin ang maong proyekto sa unom ka mga Contract Packages nga gihatag sa managlahing mga contractors uban ang assistance sa Japan International Cooperation Agency kon JICA.

Ang maong proyekto nga gigahinan ug ₱13.2 Billion, gilaumang makumpleto karong Enero, tuig 2024.

Mapadali sa maong bypass road ang oras sa pagbiyahe gikan Toril, Davao City padulong sa amihanang bahin sa Panabo City, Davao Del Norte ngadto sa ubos sa 49 minutos gikan sa naandan nga oras sa pagbiyahe nga 1 ka oras ug 44 minutos gikan Maharlika Highway.

via Bombo LJF