DAVAO CITY- Gi-discourage sa National Commission on Indigenous Peoples-Davao Region (NCIP-Davao) ang mga IPs nga mukanaog ning siyudad sa Davao sa panahon sa pasko gumikan sa hisgutanang panglawas ug kaluwasan.
Gibutyag ni NCIP-Davao Director Mumar Mamukid nga sukad pa kaniadto, gina-abisohan na nila ang mga IPs nga dili na mokanaog ug didto na lamang sila sa ilahang area aron nga makasiguro nga luwas ang mga nahisgutan.
Dugang sab niini, nga wala pa kini nagpaguwa og appeal ngadto sa Local Government Units (LGUs) apan nagalaum siya nga tabangan og tambag ang mga kaigsoonang IPS nga dili na mukanaog sa siyudad.
Gikanayon sab sa opisyal nga lakip ang lokal nga panggamhanan ang nag-discourage sa mga IPs gikan sa Marilog District nga mukanaog sa siyudad diin matod pa ang lokal nga panggamhanan na ang muadto sa ilang mga barangay aron manghatag og pahalipay alang sa pasko.
Kahinumdumang pipila ka tuig sab nga nagalugsong ang mga higalang IPs gikan sa mga lagyong dapit aron nga manaygon matag panahon sa pasko sa nagkalain-laing lugar dinhi sa siyudad.
Sa pikas bahin, gi-discourage sab ni City Social Welfare and Development Office (CSWDO) head lawyer Marlisa Gallo ang mga IPs nga mukanaog diin kahinumduman nga bag-ohay lamang, niadtong Setyembre 14, adunay na rescue ang Davao City Police Office (DCPO) nga 21 ka mga indibidwal sa Agdao Flyover.
VIA|| KAYE MARIE GULLE
