DAVAO CITY- Subling gipalig-on pa karon ang pagpatuman sa RA 11596 o mas nailang “An Act Prohibiting the Practice of Child Marriage” .
Kini mismo ang gikanayon ni Atty. Leonor Quintayo, Provincial Officer sa NCIP Davao Occidental atol sa gipahigayong pinakaunang Regional Indigenous Peoples Mandatory Representative Presscon kagahapong adlawa diri sa dakbayan sa Davao.
Kahinumduman nga adunay natala nga taas nga kaso sa maong aktibidad diri sa Davao Region ilabi na sa mga kabukiran ug mga lugar kung asa nanimuyo ang mga kaigsounang IP.
Usa sa tumong sa maong balaod nga maprotektahan ang mga kabatan-onan ilabi na sa ilang mga katungod isip usa ka menor de edad, lakip na niini ang katungod nga modako nga malinawon ug makuha ang ilang gusto alang sa kaayohan sa ilang kinabuhi diin anaa kini nakalatid sa Magna Carta of the Children.
Kahinumduman usab nga giaprubahan ang nahisgutang balaud ni kanhi Pangulong Rodrigo Duterte.
Ilalom sa maong balaod, ang bisan si kinsang masakpan nga nagapahigayon sa maong aktibidad, ilabi na sa mga tribal leaders nga maoy kasagaran nga nagapangulo sa maong katikaran, mapriso gikan walo (
hangtud dose (12) ka tuig ug makamulta og kapin kon kulang 40 hangtod 50 ka libo ka pesos kini depende usab sa gimbug-aton sa sala.
Dugang pa niini, adunay community dialogues nga gipahigayon ang mga representante sa Indigenous People Mandatory Representative (IPMR) ngadto sa mga tribal leaders sa nagkadaiyang tribo.
