DAVAO CITY – Gipasigarbo ni Davao City Mayor Inday Sara Duterte-Carpio ang mga nahimong kalampusan ingon man gihimong lakang sa lokal nga kagamhanan aron nga batukan ang COVID-19.
Atol sa iyang State of the City Address (SOCA) kagahapon, kalakip sa mga nahisgutan ni Mayor Inday ang mga gihatag nga hinabang sa lokal nga kagamhanan alang sa mga naapektohan sa COVID-19 partikular na kadtong mga nawad-an og trabaho, pagpahimutang sa siyudad og mga testing laboratories alang sa COVID-19 ingon man ang pagtukod sa mga isolation facilities ilalom sa Bayanihan to heal as one act.
Gibutyag sab sa Mayor ang gikatakda na nga pagpatuman sa siyudad sa Safe Davao QR, pagpatuman sa Test and Wait partikular na sa mga pasahero sa Davao airport diin ang mga maabot nga pasahero mamahimong mopailalom sa RT-PCR test.
Nangandam na sab sumala pa karon ang lungsod pinaagi sa gitukod nga crematorium.
Samtang sa sektor sa edukasyon, ubay-ubay ka mga estudyante ang nahatagan og laptop ingon man tablet isip suporta sa blended learning education.
Gitataw sab ni Mayor Inday nga padayon nila karon nga gimonitor ang nagpadayon nga konstruksiyon sa coastal road sa dakbayan ingon man gipalig-on pa sa dakbayan ang paggukod sa mga masinupakon sa balaod partikular na ang mga COVID-19 violators ug uban pang krimen.
Padayon sab sumala pa ang pagpaningkamut sa mga otoridad ilabi na sa mga kasundalohan aron gukdon kadtong adunay mga dautan nga plano pinaagi sa programang “Pag-may nakita, Magsalita”.
Pahayag ni Davao City Mayor Inday Sara Duterte-Carpio.
