DAVAO CITY – Dakong tabang sumala pa ang mga gipangdonar nga mga medical equipment sa Bureau of Customs (BOC) ngadto sa Southern Philippines Medical Center (SPMC).
Una ng gibutyag ni Atty. Erastus Austria, District collector port of Davao nga ang nahisgutan sumala pa nga mga medical equipment ang gipangkumpiska sa ahensiya sa milabay nga tuig human pakyas ang importer sa pagproseso sa mga gikinahanglan nga dokumento.
Miabot sumala pa kini sa siyudad kaniadtong milabay nga tuig apan gideklara kini nga abandon human nga wala na gi-asikaso.
Gitataw ni Austria nga subay sa balaod, mamahimong i-auction ang mga gi-abandona nga kargamentos apan tungod kay krisis karong tungod sa Covid-19 ug kinahanglan ug dugang mga nga gamit ang mga balay tambalanan, ila kining idonar sa SPMC.
