DAVAO CITY – Nagbahad karon ang Hugpong ng Pagbabago – Hugpong sa Tawong Lungsod (HNP-HTL) alliance batok sa mga local candidates nga midagan ilalom sa ilang partido nga palagputon sa higayong mapamatud-ang mibayad og permit-to-campaign fee ngadto sa rebelding grupo nga New Peoples Army.
Sa gipagawas nga mensahe sa HNP-HTL, gibarugan niini nga i-junk diha-diha gilayon sa alyansa ang mga lokal nga kandidato nga mohatag sa demand sa NPA nga mipaluyo sa dili na ma-ihap nga krimen batok sa katawhan.
Ang paghatag sumala pa sa gipangayong salapi sa NPA ang nakugbang ra sa pagyukbo sa rebelding grupo ug pagsuporta sa dautang idolohiya niini.
Dugang pa sa alyansa nga ang mga kandidato nga mobayad sa NPA walay kalainan sa pagka-terorista sa nahisgutang rebelding grupo.
