DAVAO CITY- Luwas ug nakauli na ang 67 ka mga na-stranded nga mga estudyante ug magtutudlo sa Buso National High School alas 10 ang takna karong buntaga lamang. Kahinumduman nga na -stranded ang mga nahisgutan gumikan sa kusog nga bunok sa ulan kagahapon, Oktobre 25, 2022.
Sa impormasyon gikan sa Mati City Disaster Risk Reduction and Management Office, bandang alas-singko sa hapon kagahapon, nahugno ang ginatukod nga bag-ong tulay sa Barangay Tagbinonga, Mati City probinsya sa Davao Oriental.
Nasayran nga ang hinungdan sa pagkahagsa sa tulay mao ang pagdahili sa yuta tungod sa kusog nga pag-ulan. Makita sab sa video gikan sa Mati City Information Office nga migamit og mga heavy equipment sama sa backhoe ang mga rescuers aron makatabok ang mga nanga-stranded nga mga indibidwal.
