62 anyos nga lolo balhug sa prisohan human nga gilugos ang iyang apo

DAVAO CITY – Balhug sa prisuhan ang usaka 62 anyos nga lolo gumikan sa pasangil nga gilugos sumala pa niini ang iyang 6 anyos nga apo.  

Subay sa saysay mismo sa bata nga biktima, gihilabtan siya sa iyang lolo sulod sa ilang pinoy-anan sa barangay Communal, Buhangin syudad sa dabaw.

Nabutyag ang panghitabo sa dihang misumbong ngadto sa ilang mga ginikanan ang manghud sa biktima. 

Sa dihang mi-responde ang taga barangay ug ang kapulisan, paspas nga mikatkat sa punuan sa lubi ang Lolo aron dili madakpan. 

Apan human ang kapin usaka oras napugos ang suspect sa pagkanaug sa dihang mibundak ang kusog nga ulan.

Desidido usab ang mga ginikanan sa bata nga mopasaka ug kaso batok sa suspetsado.