DAVAO CITY – Mikabat sa 600 ka mga kabataan ang mipailalom sa orientation nga gipangunahan sa 25th Infantry Battalion ug Department of Social Welfare and Development (DSWD) sa lungsod sa Monkayo, Compostela Valley.
Gikanayong ang information awareness activity naghisgutan sa mga isyu nga nakaapekto sa mga kabataan, role niini aron nga malikayan ang kagubot ug kung paunsa mohimo ug mga lakang mga mohatud ug positibo nga impact ngadto sa komunidad.
Sumala pa kang 2Lt Kimberly Lappao, Civil Military Operations officer sa 25th IB, ang youth development activity usa ka programa sa DSWD ug Department of Education.
Ginapahigayon ang maong programa matag quarter alang sa high school pantawid beneficiaries nga nag-edad 14 ngadto sa 18 anyos.
Tumong sumala pa niini nga masuportahan ang mga kabataan samtang sila nagdako.
Kalakip sa mga gihisgutan ang kamahinungdanon sa social issues nga sagad malambigit ang mga kabataan ingon man ang political violence ug giyera.
