6 mil nakalapas sa Anti-Smoking Ordinance sa dakbayan

DAVAO CITY  –  Mikabat na ngadto sa sais mil ka mga tawo ang nakasupak sa Anti-Smoking Ordinance sa dakbayan, samtang 311 na sab ang nakalapas sa Liqour ban ordinance dinhi sa dakbayan karong tuiga. 

Pinasikad sa tala sa Vices Regulations Unit (VRU) sa dakbayan ang nahisgutan nga ihap mao ang nakadawt ug citation ticket gumikan sa mga nahimong kalapasan. 

Mikabat na sa 47 ka mga establisamento ang nakalapas sa Anti-Smoking Ordinance ug Liqour Ban mao nga gikansela ang ilang business permit.

Sumala sa enforcer nga si Ramon Fernandez kalakip sa mga violators mao ang mga first-timers, apan sa dihang gipahimangno-an nga mamahimo sila nga ma-deport, ayha pa magkapa-kapa ug mopakita ug pagyokbo sa mga ordinansa nga gipatuman sa dakbayan.