DAVAO CITY – Dakpan sa gilusad nga drug buy bust operation sa mga otoridad sa Malalag Davao del Sur ang unom ka mga indibidwal nga aktong naggamit ug ginadili nga droga pasado alas siete kagabi.
Naila ang mga suspek nga sila si Tony Glenn Oquindo Basilan, 40 anyos, job order sa Provincial capitol sa Digos City ug residente sa Brgy. Matti, Digos City; Michael Romero Villaver, 43 anyos, residente sa Brgy. Zone 3 Digos ug job order sa Provincial Disaster Risk Reduction and Managemen Office (PDRRMC) sa Malalag Davao del Sur; Noel Bartolome, 34 anyos, job order sa PDRRMC ug residente sa Purok Miranda Brgy. Zone 3 Sta. Cruz Davao del Sur; Renante Enriquez Mejorada, minyo, 43 anyos, lumulopyo sa Chapter 15 Brgy. Aplaya Digos City, job order sa PDRRMC; Jason Medez, 55 anyos, minyo, laborer, ug residente sa Purok Calachuchi Malalag Davao del Sur ug Ruel Lausa Dagat, residente sa Purok 6 Manggahan Brgy. Matti Digos City.
Nakuha sa posisyon sa suspek ang mga nagkadaiyang pakete sa ginadili nga droga nga adunay street value nga P200,000; drug paraphernalias; 4 ka cellphone, motor ug pinaugang dahon sa marijuana.
Susama na karon nga gipangbalhug sa presohan ang mga suspetsado ug gi-andam na ang kaso nga iduso batok sa mga nahisgutan.
Sumala pa kang Pol. Capt. Edilberto Cabillo, dugay na matud pa nga gipanid-an ang mga dinakpan sanglit dugay na nga nalambigit ang mga nahisgutan sa paggamot ug ginadili nga droga.
