Gideklara sa Philippine Drug Enforcement Agency (PDEA) 11 ang unom ka mga Barangay sa Laak, Davao de Oro isip drug cleared barangay gumikan sa mga programa nga ilang gipatuman aron lamang wala’y mga indibidwal nga malambigit sa ginadili nga droga sa ilang tagsa-tagsa ka mga lugar.
Ang nasangpit nga mga barangay gilangkuban sa Belmonte, Aguinaldo, Concepcion, Mangloy, Melale ug Sta. Maria.
Lakip usab matud pa sa mga kwalipikasyon aron nga ideklarang drug cleared ang usa ka Barangay mao ang tukma nga intervention niini sa mga drug personalities, pagpatuman sa drug free work place ug daghanan pa.
Gawas sa PDEA, una na usab nga nagpasalamat ang Local Government Unit (LGU) sa Davao de Oro sa gihimong pagpaningkamut sa mga barangay nga sakop sa lalawigan aron lamang batukan ang iligal nga droga.
Samtang gipasalig usab sa PDEA 11 nga magpadayon ang ilang pakiglambigit sa mga munisipalidad ingon man mga Barangay sa Davao region alang sa mas hugtanon nga kampanya batok ginadili nga droga.
