Sa sulod sa tiyan sa usa ka dakong sawa nakaplagan ang patay nga lawas sa usa ka babae nga gi-report sa iyang mister nga nawala sa Kalempang, Indonesia.
Sa nagkatag karon nga video gikabutyag nga miagi sa kakahuyang bahin kon kalati-an ang 54-anyos nga babae aron nga moadto sa ilahang palengke aron nga magtinda ug pagkaon.
Apan wala na nakauli ang babae hinungdan nga nagpatabang na ang iyahang mister sa ilahang mga silingan aron nga pangitaon ang iyahang asawa.
Sa ilahang pagpangita, nakakita sila ug usa ka dakong sawa sa kalati-an nga gibana-banaan nga anaa sa gitas-on nga baynte piye.
Nakita nila nga adunay bahin sa tiyan nga niburot, gikulbaan na ang mga nakakita nga basin ang babae nga ilahang gipangita mao ang anaa sa sulod sa tiyan.
Gumikan kay dako ang ilahang pagduda, ilahang gipatay ang sawa ug sa pag dis-dis sa tiyan nga niburot nakurat sila sa ilahang nakita gumikan usa ka tawo ang aduna pay mga sanina ug naputos sa daw laway ang lawas niini nga nagluko ug positibo nga gitudlo sa bana nga iyahang asawa ang gitukob na diay sa dakong sawa.
