500,000 ka mga tawo mibiya sa Metro Manila sa nakalabay nga lima katuig

Gipahayag sa Philippine Statistics Authority (PSA) nga mas daghan pa sa katawhan ang mibiya sa Metro Manila.

Matod pa ni Adrian Cerezo, Assistant National Statistician sa PSA Social Sector, nga anaa sa 500,000 ka mga residente sa Metro Manila ang mibiya na sa National Capital Region sa nakalabay nga lima katuig kung ikumpara sa 381,000 nga nahiabot usab sa susamang panahon.

Ang mapuy-an ang usa usab sa hinungdan kung nganong mibiya na sa NCR ang mga tawo.

Ikaduhang hinungdan sa pagbiya sa mga tawo sa Metro Manila mao ang living environment.

Gipahayag pa sa opisyal nga posible usab nga daghanang nagtrabaho pa gihapon sa NCR apan nanimuyo sa gawas sa rehiyon.

Ang Metro Manila o NCR ang gilangkuban sa 16 highly urbanized cities.