DAVAO CITY – Patay ang lima ka mga sakop sa rebelding grupo atol sa nahitabong sunod-sunod nga engkwentro tali sa kasundaluhan sa probensiya sa Davao de Oro.
Gikanayon ni Capt Mark Anthony Tito, chief sa division public affairs office sa 10th infantry division sa Philippine army nga sayo kagahapon sa buntag, natigayon ang engkwentro tali sa mga tropa sa 1001st infantry brigade batok sa mga sakop sa Communist Terrorist Group’s (CTGs) Regional Headquarters, Southern Mindanao Regional Committee (RHQ, SMRC) nga gipangiunahan ni Eric Jun Casilao alias Wally/Ellan ug Regional Operations Command, SMRC (ROC, SMRC) sa pagpanguna ni Leo Lacumbo alias OLE sa Purok-8, Barangay Andap, New Bataan, Davao de Oro.
Giila ang mga namatay nga sila Jojarain Alce Nguho II alias Rain, Chad Booc alias Chad, usaka alias Daday ug duha ka mga lalaki nga nagpabilin pang wala mailhi.
Gikanayoon ni Tito, nagkatibulaag ang mga rebelde ug misibog paingon sa habagatang bahin human ang 15 minutos nga panagsangka. Nabilin sa mga rebelde ang usaka M653 rifle, usaka caliber 45 pistol, usaka hand grenade, usaka anti-personnel mine, nagkadaiyang mga food supplies, ug mga gamit nga iya sa mga rebeldi.
Si Chad Boloc ang lakip sa mga nadakpan sa usaka bakwit school sa San Carlos University-Talamban Campus cebu city gumikan sa pgrecruit ug mga Lumad sa davao del norte, apan gibuhian human ang desisyon sa korte sa cebu. Graduate kini nga cum laude gikan sa UP Dileman sa kursong BS in Computer Science.
