DAVAO REGION- Nakaplagan na ang giingong lima ka mga batan-on nga una ng gikataho nga na-missing sa Davao Occidental.
Kini subay sa gipaguwa nga impormasyon sa kapulisan sa Sta. Maria Municipal Police Station ug gipahibalo niini sa publiko nga anaa na sa ilahang kustodiya ang lima ka mga minor de edad.
Pagsaysay pa sa kapulisan nga ang duha nakit-an sa Brgy. San Agustin samtang ang tulo gi-turned-over ni Brgy. Kapitan Concepcion Alberca sa Police station.
Sumala pa sa otoridad nga ang mga nahisgutan ang anaa sa maayung kahimtang.
Samtang gikanayon sa otoridad nga ilahang i-endorso ang lima ka mga batan-on sa mga ginikanan ug guardian kauban ang MSWD.
Gumikan niini nagpasalmat ang kapulisan sa tabang ug kooperasyon sa katawhan pinaagi sa paghatag ug impormasyon aron nga makaplagan ang mga batan-on.
Wala usab gikabutyag kung unsay hinungdan sa pagkanaw sa mga nahisgutan sa pipila ka adlaw.
Samtang nanawagan ang otoridad kung kinsay adunay mga molo, reklamo o complain sa mga gikalambigitan niining mga bata, mamahimong modangop, o moadto sa ilahang buhatan aron nga maaksyonan ang problema.
Kahinumduman nga una ng gipanawagan sa kapulisan ang pagahanaw sa mga nahisgutan nga sila Jeven Fortunato, 15 anyos, Gerald Erjas, 14 anyos,Recilo Villacencio, 14 anyos, TJ Alon 18 anyos ug Mark Anthony Caro, 14 anyos nga mga residente sa Brgy. Cadaatan, Sta. Maria, Davao Occidental.
Katapusan sumala pa nga nakit-an ang mga nahisgutan niadtong alas 10:30 sa gabii adlaw nga lunes ug sumala pa sa kabanay nga silang tanan nakasul-ob ug itom nga mga sanina.
