DAVAO CITY – Gikabutyag ni Presidential Assistant for Eastern Mindanao Leo Magno nga dunay negosasyon tali LGUs ug National Housing Authority alang sa pagpadayon sa 4PH kon Pambansang Pabahay para sa Pilipino program dinhi sa Davao Region.
Sumala sa opisyal, napirmahan na ang usa ka kasabutan tali Department of Human Settlements and Urban Development alang sa implementasyon sa Eastern Mindanao.
Gilauman nga dunay 50 ka mga areas sa Eastern Mindanao ang matukuran og mga pabalay alang sa 4PH housing program.
Dugang pa nga anaa sa 20,000 to 30,000 units ang itukod sa Davao City, samtang 15,000 to 20,000 units sab ang matukod sa Davao Oriental apan nagdepende pa kini sa mamahimong proseso sa pagpangita sa mga benepisyaryo.
Nasa P3,000 kada bulan ang matag balay nga mabayaran sulod sa 15 ka tuig. Naglaum ang opisyal nga masugdan na ang groundbreaking sa musunod nga bulan o sa musunod nga tuig.
via || Bombo LJF
