Pinaagi sa pagpakusog sa law enforcement operation sa DCPO PS1 Sta Ana batok sa mga wanted persons, nagmalampuson ang gimugna niini nga Manhunt Tracker Team sa pagdakop kapin 49 ka mga personalidad nga adunay mga existing warrant of arrest nga adunay nagkandaiyang kaso.
Sukad Enero 16, 2025 hangtud karun nga bulan Abril 16, 2025, adunay 49 ka mga wanted persons ug operasyon nga ginapahigayun sa mga otoridad ang nadakpan. Kini gipangunahan sa Manhunt Tracker Team sa Warrant Section sa PS1 Sta Ana aron madala sa korte ang mga personalidad nga nag tago-tago nga adunay existing warrant of arrest.
Ang malampusong operasyon nga pakigbatok sa kriminalidad ang maoy prayoridad sa kapulisan sa PS1 Sta Ana alang sa kalinaw dili lamang sa 21 ka ka mga barangay sakop niini apan sa kinatibuk-ang dakbayan sa Dabaw.
