DAVAO CITY – Nakatala sumala pa ang Bureau of Fire Protection (BFP)-Davao og walo ka mga namatay ug kinatibuk-ang 482 ka mga insidente sa sunog kaniadtong 2019 nga hinungdan sa P75 million nga kadaut sa propedad.
Sumala pa kang Senior Fire Officer 2 Ramil Gillado, Investigation Section chief sa BFP Davao, nga sa nahisgutang 482 incidents, 286 niini ang structural fires samtang 196 ang non-structural fires.
Anaa sab sa 20 ka mga indibidwal ang natalang angol tungod sa sunog.
Sagad sumala pa sa mga natalang sunog mao ang residential, gisundan sa grass fire ug adunay insidente usab sa pagkasunog sa sakyanan.
Subay sumala pa sa datos kaniadtong 2018, mas ubos sumala pa ang ihap sa natalang sunog kung itandi sa 2019 nga anaa sa 17 o 3.6 percent ang kalahian o adunay kinatibuk-ang 465 ka sunog nga gilangkuban sa 354 structural fires ug 111 non-structural fires.
Apan kung itandi sa kadaut nga natala sa 2019, mas taas sumala pa ang sa 2018 nga anaa sa P137,849,920 ug upat ang natalang namatay samtang 37 ang injured.
Samtang gitataw ni Gillado nga ayha ang pagtagbo sa bag-ong tuig, wala silay gikatala nga firecracker-related fire incident sa dakbayan.
