DAVAO CITY – Mikabat na sa 48 ka mga binuhing baboy ang nababagan nga makasulod sa siyudad isip kabahin sa mas gipahugtan nga quarantine measures aron malikayan ang African Swine Flu.
Sumala pa kang Maj. Jason Baria, tigpamaba sa Police Regional Office XI, ang mga cargo handlers walay mapakita nga mga dokumento alang sa iyang dala nga mga baboy.
Sagad sumala pa sa mga nababagan nga mga baboy ang naggikan sa Tagum ug Digos.
Sa pikas nga bahin, mikabat sa 524 ka mga buhing baboy ang gipailalom sa inspeksiyon sa milabay nga duruha ka semana. Mayorya niini ang adunay supporting documents ug gitugutan nga makasulod sa siyudad.
Anaa sa 17,400 sa karne nga gikan sa Tagum City ang milatas sa checkpoint nga gikan sa Licanan sa Lasang. Miabot sab sa 20 kilos nga karne ang nakumpiska isip kabahin sa gipahugtan nga seguridad.
Sa mga pantalan, ang maritime personnel nagpahigayon sab ug coastal ug border patrols aron i-augment sa land-based quarantine measures batok sa mga kontaminado nga mga animal products sa siyudad.
Susama usab nga pamaagi sa seguridad ang gipatuman karon sa Francisco Bangoy International Airport sa pagpanguna sa Aviation Security Group.
