DAVAO CITY – Gikumpirma ni DepEd spokesperson Jenielito Atillo nga mikabat sa 47 ka mga pribadong tulonghaan sa Davao region ang nanira gumikan sa dili maayong impact nga gihatud sa COVID-19 pandemic.
Sumala pa kang Atillo nga sa nahisgutan nga ihap, 11 niini ang sa Davao City, 16 sa Davao del Norte (Tagum,Panabo, Island Garden City of Samal) , 8 sa Davao de Oro, 7 sa Davao Oriental (Mati City) ug 5 sa Davao del Sur (Digos City).
Samtang wala sumala pay private schools sa Davao Occidental ang nanirado.
Gani adunay usa ka tulonghaan sa Davao del Sur ang wala na lamang nagpadayon human nga wala sumala pa silay enrollees.
Daghanang mga estudyante sab gikan sa private schools sa rehiyon ang mibalhin sa public schools ning panahon sa COVID-19 pandemic.
Mihatud sumala pa og grabe nga epekto sa ekonomiya ang pagsara sa mga tulonghaan sukad nga adunay gipatuman nga kabag-ohan sa learning modalities.
Hinuon, gipasalig sa DepEd nga andam nila nga tabangan ang mga nanirado nga tulonghaan sa higayon nga subli kining mobalik sa ilang operasyon.
