DAVAO CITY- Kasamtangan karon nga gipahigayon dinhi sa dakbayan sa Davao ang ika-46th National Disability Prevention and Rehabilitation (NDPR) Week.
Kini nga proklamasyon alayon sa Presidential Proclamation No. 361 series of.2000, nga mideklara sa matag ikatulo nga semana sa bulan sa Hulyo matag tuig isip National Disability Prevention and Rehabilitation (NDPR) week nga magsugod sa Hulyo katorse hangtod petsa baynte.
Tumong sa proklamasyon mao ang pag-ila sa mga paningkamot sa nasudnong panggamhanan sa pagpromotar sa kaayuhan sa mga Persons with Disabilities (PWDs).
Sa karon giila sa NDPR Week 2024 ang importansya alang sa kasiguruhan sa mga PWDs nga ma-enjoy ang susamang katungod ug opurtunidad sa matag-usa alang sa kaugmaon nga mahimong kabahin sa gitawag nga nation-building.
Samtang gikanayon sab sa LGU Davao nga matinud-anon kini sa paghatag ug suporta ilabi na sa pag-implementa sa mga programa, mga proyekto ug serbisyo sa mga PWDs.
Samtang nag-awhag sab ang lokal nga panggamhanan sa syudad sa tanang buhatan sa gobyerno, lokal o nasyunal, NGO ug ubang mga organisasyon dinhi sa dakbayan nga mopartisipar sa mga aktibidad atol sa maong pag-obserba.
