DAVAO CITY – Mukabat sa 45,500 ka mga baboy ang miagi og inspeksyon sa mga checkpoint sa Task Force Davao gikan sa bulan sa Enero hangtod Pebrero tuig 2020 isip pagpakusog sa gobyerno sa kampanya kontra sa pagkaylap sa African Swine Fever (ASF).
Sumala kang Major Ronnel Legarde, civil-military operations officer sa Task Force Davao, kinahanglan nga suportahan sa militar ang City Veterinarian’s Office ning dakbayan sa Davao sa ilang padayun nga pakigbisog nga i-ban ang pagsulod sa mga baboy ug mga pork products gikan sa Davao Occidental ug Davao del Sur.
Sumala kang Legarde nga ang 45,346 nga mga baboy ang dokumentado samtang ang 154 niini dili dokumentado.
Dugang pa ni Legarde nga nagpabilin lamang gihapon ang foot bath ug sprayers sa mga checkpoints diin ang mga pasahero kinahanglan nga mukanaug sa mga sakyanan ug mutamak sa foot bath samtang dunay technician nga mu-spray sa mga ligid sa mga sakyanan.
